Яна галоўны носьбіт тэхнікі саломапляцення, якая ўключана ў спіс нематэрыяльнай культурнай спадчыны ЮНЕСКА.Народны майстар Рэспублікі Беларусь, чалавек года Гродзеншчыны Юзэфа Старасціна з аграгарадка Геранёны стварае ўнікальныя творы мастацтва з саломкі і ўжо шмат гадоў шчодра дзеліцца сваёй творчасцю з мясцовай дзятвой, землякамі ды турыстамі. Яна галоўны носьбіт тэхнікі саломапляцення, якая ў 2021 годзе ўключана ў Дзяржаўны спіс гісторыка-культурных каштоўнасцей Рэспублікі Беларусь, а ў 2022-м – у спіс нематэрыяльнай культурнай спадчыны ЮНЕСКА.
Майстэрня як музей
Майстэрню загадчыцы сектарам рамёстваў і традыцыйнай культуры аграгарадка Геранёны Іўеўскага цэнтра культуры і адпачынку Юзэфы Старасцінай хочацца назваць музеем. Тут сабрана такая на дзіва багатая, прыгожая і эксклюзіўная калекцыя саламяных вырабаў, што сэрца замірае і вочы разбягаюцца! Сапраўдныя цуды мастацтва: паменшаная копія Геранёнскага замка, агромністы конь, запрэжаны ў саламяны вазок, набор музычных інструментаў, лялькі ў нацыянальных строях, дажыначныя снапы, кветкі, кошыкі, мудрагелістыя пано, агромністыя вянкі ды неабсяжны капялюш, пад якім могуць схавацца некалькі чалавек… Уся гэта прыгажосць створана залатымі рукамі таленавітай жанчыны, якая цалкам прысвяціла сваё жыццё творчасці.
Больш падрабязнасцей — на сайце